Þegar samfélög vernda ofbeldið

Bókin: Myndin af pabba. Saga Thelmu, segir átakanlega sögu barnungra systra er urðu þolendur ótrúlegs -andlegs og líkamlegs- ofbeldis af hendi sjúks föður og hans vina.
Þar greinir frá hvernig samfélag, þess tíma, í Hafnarfirði, verndaði ofbeldið með þögn og sinnuleysi. Stjórnsýsla þess samfélags sem Telma og systur ólust upp í, var sjónskert. Árum saman var vitað um framrás ofbeldisins. En samfélagið svaf þyrnirósarsvefni. Með þögn og athafnaleysi virðast bæjarstjórnarmenn, barnaverndarnefnd, sýslumannsembætti og lögregluþjónar staðarins, ekki hafa sinnt lögboðnum starfsskyldum. Kennarar grunnskólans, prestur, vinnustaðir, nágrannar, leikfélagar, leygubifreiðastjórar, staðarblöð og almennir fjölmiðlar virðast hafa vitað, en þagað. Allt bæjarsamfélagið virðist hafa lagst á eitt við yfirbreiðslu þagnarinnar. Ekki til verndar systrunum barnungu. Heldur til verndar stjórnsýslu, embættismönnum og stofnunum staðarins. Til verndar sjúkum föður og ofbeldisfélögum hans. Ofdrykkjumönnum. Systurnar fengu ei notið verndarákvæða stjórnarskrár og laga. Hver hefðu viðbrögð samfélagsins orðið, hefðu fréttir borist af systurnum rammvilltum og vanbúnum í illvirðri á heiðum uppi. Hefði þá sinnuleysi og þögn ríkt? Hefðu engar björgunaraðgerðir farið í gang? Með þögninni var ofbeldið verndað. Sinnuleysi samfélagsins og afskiptaleysi má flokka sem jafn alvarlegt afbrot og ofbeldið sjálft.
Heimildir: bókin “myndin af pabba.”
Spurt árið 2013, er íslenska samfélagi að vakna?

Neskaupstaður

Neskaupstaður
Samblokkun valdhafa: einelti, kúgun!

Stór orð en sönn.
Í kastljósþætti RÚV, á vordögum 2012, var fjallað um eineltismál, alvarleika þeirra og afleiðingar. Einelti, framin gegn grunnskólabörnum og unglingum. Og einnig gagnvart fullorðnum. Þá oftast skilgreint sem vinnustaða-einelti. Þakkarvert en síðbúið framtak fjölmiðils.
Einu formi eineltis hafa fjölmiðlar ekki gert skil. Það er einelti valdsins. Einelti af hálfu stjórnsýslu löggæslu og framkvæmdavalds. Einelti sem oftlega, í skjóli þöggunar, fær dulist samborgurum. Það er markvist dulið, í langtíma friðhelgi haft, undir vængjum ríkjandi valdhafa.
Einelti er alvarlegur glæpur. Þó stærstur þegar opinberir gæslumenn mannréttinda, lífsgæða og framfara, svo sem bæjarstjórnamenn og borðalagðir ríkisstarfsmenn -verndarar almennings gegn einelti, ofbeldi og kúgun- umpólast í starfi og gerast harðsvíraðir, yfirvegaðir og markvissir gerendur eineltis í skjóli valda og embætta.
Siðblinda og vanþroski eru trúlega orsakavaldar þess er handhafar stjórnsýlu, glepjast til samblokkunar, markvist til eineltis, til niðurbrots og háðungar á samborgurum ¬samtíða fólki- og festast í foraði misnotkunar valds og embætta. Þegar svo gerist hjá valdhöfum eru þeir -að lögum- valdþrota og hafa skert lögmæti sitt til meðhöndlunar valda og embætta. Þeirra samþykktir og tilskipanir orðnar ómarktækar. Ólögmætar!
Eitt er þá börn í þroskaferli verða ómeðvitað gerendur eineltis. Annað þegar langskólagengnir menn sem hafa á hendi valdsvið bæjarstjórna, sýslumanns og löggæslu -að ætla má menntaðir og fullþroska menn- leggjast af yfirvegun -um árafjöld- í harðsvírað einelti og kúgun.
Birtingarmynd þessa mátti löngum lesa í fundargerðum nefnda og bæjarstjórna og útskrift gjörðabóka sýslumannsins í Neskaupstað, Bjarna Stefánssonar.
Oft sjá samfélög ekki hversu alvarlegt ástand eineltismála er fyrr en allt er um seinan. Svo virtist oftlega ríkjandi meðal fulltrúa í nefndum og bæjarstjórn, þegar gengið var til atkvæða um framkvæmd mála. Án gagnrýni, án rökræðu, og án glöggskyggni um raunveruleika ¬hugsanlega sökum ofurtrúar á óskeikulleik forustumanna- samþykktu fulltrúar tillögur forystunnar um áframhald eineltis og ofbeldis.

Ein sönnun boðunar í fyrirsögn? Síðkvölda lögregluvaktir.
Eitt smæðsta af mergð eineltis og ofbeldisverka Bjarna Stefánssonar, oftast að kröfu forseta bæjarstjórnar Smára Geirssonar og hans samstjórnarmanna, felst m.a. í eftirfarandi.
Í lögreglubifreið staðsettri í sjón og heyrnarfæri frá íbúðarhúsi undirritaðs sat vagthafandi lögregluþjónn sem að skipan sýslumanns var gert að vakta og skrá allar athafnir og hreyfingar fólks í og við íbúðarhúsið. Lögregluþjóninum var gert að skila ¬að morgni- á borð sýslumanns, undirritaðri vöktunarskýrslu. Þessi háttsemi lögreglu -endurtekin í röð kvölda- oftast frá kvöldverðartíma og vel fram undir miðnætti, mætti, að lögum flokka sem glæpsamlega og refsiverða aðför að saklausum borgurum. Rannsóknar er því þörf.
Kallað eftir skýringum Bjarna Stefánssonar, Smára Geirssonar og samstjórnarmanna.
Hver krafðist lögregluvöktunar? Hvert var markmið hennar?
Hver greiddi laun njósnara?
Fengu aðrar fjölskyldur að njóta lögreglunjósna við heimili? Ef ei, hví ekki?
Hvaða lagastoð heimilar rof á friðhelgi heimila?
Undirritaður krefst rökstuddra svara á obinberum vettvangi.
Berist ei svör -verði þöggun viðhöfð- þá túlkast það sem játning um misneytingu valda.
Í Stjórnarskrá Lýðveldisins Ísland segir: ¬Heimilið er friðheilagt. Ekki má gera húsleit né kyrrsetja.¬,¬Eignarétturinn er friðhelgur¬,-Engin bönd má leggja á atvinnufrelsi manna, nema almenningsheill krefji, enda þarf lagaboð til og eða dómsúrskurð.¬

Í sagna-geymslu:
Apríl! Verslun Karma hf., þá sextán mánaða. Samblokkað valdið, bæjarstjórn og Bjarni sýslumaður gera lögleysis aðför og innsigla verslunarplásið. Verðmætum haldið án umhirðu í vikur. Í lokuðu óloftræstu rými. Vörulager varð ósöluhæfur.Tækjabúnaður skemmdur. Milljóna tjón varð.
Ofbeldi á aðventu! Lögregluþjónn byrtist á vöruafgreiðslum Flytjanda og Samskipa á Neskaupstað og fyrirskipar að allar vörur merktar K-Bónus skuli á bretti settar, innsiglaðar og síðan hýfast í efstu vörurekka. Afhending vöru til K-Bónusar bönnuð. Vörurnar voru þá enn í eigu birgja og framleiðenda, sem þegar í stað fyrirskipuðu tafalausa afhendigu til K-Bónusar. Niðurlæging fyrir sýslumann..
Á aðventu! Jólaverslun-lífleg. Verslun K-Bónusar þá sjö ára. Lögregluþjónn -með liðsauka tveggja úr fjarlægri sýslu- sprettur með þjósti úr skjóli myrkus. Sýslumaður Bjarni Stefánsson dvaldi í felum. Lögregluþjónar innsigla verslunarpláss og raftöflu íbúðar. Innsiglun viðvarandi til vors. Verðmæti, á ábyrgð sýslumanns, höfð umhyrðu og eftirlitslaus í rúma fimm mánuði. Eldur varð laus. Margra tugamilljóna tjón varð. Háþróað sölukassakerfi verslunar ónýttist. Frystar og kælar löskuðust og ónýttust. Stórtjón varð á verslunarplássi, bílskúr og íbúð sem og vörubirgðum, sökum elds, reyks, vatns og vörsluleysis sýslumanns og lögreglu. Vörubirgðir gjörónýtar. Eigendur ásakaðir um að valda eldsupptökum. Tjónabætur-Vís-nær engar. Refsivert og lævist lögbrot hins samblokkaða valds: bæjarstjórnar, sýslumanns og lögreglu. Sakarannsóknar því þörf.
Á þorláksmessudegi: Undirrituðum haldið í daglangri hótunar og kúgunarfullri yfirheyrslu sýslumanns að viðstöddum fulltrúa bæjarstjórnar. Þar framsettar geðþótta skipanir um tafalausa lokun verslunar K-Bónusar. Hvers vegna lokun hennar? Hvaða lagastoðir lágu að baki þeirrar kröfu?
Verslunin K-Bónus hefur alla tíð haft óskertan lagalegan rétt til rekstrar. Hefur starfað að landslögum í nær 22ár. Og hefur staðist fáheyrðar og glæpsamlegar eineltis og ofbeldis árásir bæjarstjórnar og s.m. Bjarna Stefánssonar. Og spurningar vakna. Hver eða hverjir greiddu bæjarstjórnarmönnum, sýslumanni og lögreglu laun og annan kostnað við ofbeldisverkin og eineltið? Hvaða lagastoðir heimila launatökur úr bæjarsjóði og eða ríkissjóði fyrir stolnar vinnustundir við ólögmæta háttsemi og misnotkun á aðstöðu og til ástundunar í vinnusvikum? Var öðrum verslunum í Neskaupstað fyrirskipað að loka? Ef ei, hví ekki? Hafi öðrum verslunum í Neskaupstað verið fyrirskipað að loka, greinið þá frá hverjar þær voru.

Á vordögum þegar versluninni hafði verið haldið í ólögmætri lokun í fimm mánuði, fyrirskipa ráðuneyti opnun hennar sem og afhendingu lykla og eigna til eigenda. Og Bjarni Stefánsson er jafnframt fjarlægður úr embætti sýslumanns á Neskaupstað.

Í gjörðabók sýslumanns stendur skráð að 5 einstaklingar -tengdir K-Bónusi- séu kærðir til ríkissaksóknara. Kærubréfið hefur ekki fundist i innskráningakerfi ríkissaksóknara. Því skal spurt og krafist svara. Var gjörðabók sýslumanns máske notuð í þágu leikrænnar sýndarmennsku og glæpsamlegra misgjörða?

Heimildir-allar, liggja í gjörðabókum, bréfa og skjalasafni bæjar, og sýslumanns sem og mynda -af vettvangi athafna og orða- er sýna ofbeldi, háttsemi og æði lögreglu.

Ritsmíð þessi er framsett í von um virka umræðu varðandi einelti valdsins, ofbeldi þess og kúgun!
Í þeirri von að rof megi verða á verndarhjúpi öflugustu gróusagna og lyga, þögninni! Í þeirri von að aflétt verði leyndarhyggju af gjörðum umboðsvalds sem og ofurvalds embættismanna, er flíka gyltum stöfum á borðalögðum búningi, hinu margþekkta "Með lögum skal land byggja."

Gestur Janus Ragnarsson
F.v.bæjarfulltrúi Alþýðuflokks.
Trésmiður, iðnrekandi,
n.v.kaupmaður.

Góðan dag!

Prufa bloggið mitt.

Bloggið mitt

Velkomin á bloggið mitt.