Dagsektir? Lögmætar? Nei!

Ofbeldissjúk yfirvöld í Neskaupstað gerðust margbrotleg er þau samþykktu beitingu dagsekta gegn verslunarrekstri Karma hf. Núverandi K-Bónusar.  Þær stundir gerast að fjörgapar komi saman og bregði til leika. Getur verið að álagning dagsektanna sé einn slíkra leikja?   

Samkvæmt bréfi byggingarfulltrúa: "Nesk. 03. 01. 1992"  "eru lagðar dagsektir á Karma hf."  

"Sektin nemur kr. 10.000- á hvern byrjaðan sólarhring frá og með mánudeginum 13. janúar 1992 að telja og þar til orðið hefur verið við fyrirmælum bygginganefndar."  "Að þessum fresti loknum verður leitað lögregluaðstoðar til að loka versluninni."

Í dag eru liðin 21ár og 27dagar frá upphafsdegi dagsekta.  

Samtals eru dagsektir orðnar kr 76,770.000- sjötíu og sex milljónir sjöhundruð og sjötíu þúsund oo/100.  Þá án verðbóta.  Leitað var til lögreglu. Og óskað aðstoðar við boðaða lokun.         Ítrekaðar tilraunir til lokunar hafa ekki gengið eftir.   Hvers vegna ekki?   Rúm tuttugu og eitt ár eru liðin. Tuttugu og eitt ár og 27 dagar er langur tími á æfibrautu manna.  Hvað má ætla að síbrota bæjarstjórn og síbrota sýslumaður þurfi langan tíma til lokunar á lítilli verslun?  Ef lög leyfa?

Skoðum málið!  

Hafi eigandi verslunar gerst brotlegur við lög.  Hafi lögregla og bæjaryfirvöld þar afleiðandi lögin sín megin. Hafi lögregla lagaskyldur til afskipta. Þá er framkvæmdin einföld. Sýslumaður mætir á staðinn með gjörðabók. Ásamt einum lögreglumanni. Og verkframkvæmd líkur á örfáum mínútum.             T.d. fimm mínútum?   Það þarf ekki tugi ára til. Ekki til þessa! 

Sýslumaður og bæjarstjórn hafa haft 21ár til lúkningar á boðuðu verki. Hvers vegna eru liðin 21 ár?Og enn er verslunin starfandi? 

Spurningar vakna. Hvaða lög heimiluðu þessar dagsektir?  Hefur annar  lögmætur rekstur í Neskaupstað verið undir samskonar dagsektum.  Ef svo er? Upplýsið það. Tilgreinið þá upphæð og nafngreinið hlutaðeigandi.

Þess er hér með krafist!

Hafa bæjaryfirvöld gert tilraun til innheimtu þessa "lögmæta" tekjustofns ofbeldisins?  Ef ekki.   Hvað veldur þess háttar áhugaleysi?  Hvenær má búast við að framkvæmd þar á hefjist?               Eru dagsektirnar ekki lögmætar?      Hvenær verður dagsektum aflétt?

Ef verðþróun s.l. 22.ára hefur átt að bætast við stofn, þá væru dagsektir komnar yfir 100 milljónir. Sjóðshald Neskaupstaðar/Fjarðarbyggðar munar um minna.  

Það mætti að vori kaupa mikið magn Túlipana fyrir þá upphæð?  Ef lög leifa?  

Næst:                                                                                                                                                     Eru þolendur dagsekta margir í Neskaupstað?

 

   

22.ár í bið eftir afgreiðslu.

Eitt leifi/samþykki var ófengið þá verslunarrekstur, Karma hf. / K-Bónusar, skyldi hefjast.  Það var samþykki íbúa i grend ætlaðs verslunarstaðar.  

Sú lögskylda hvílir á bæjarstjórnum að framkvæma grendarkynningu meðal íbúa.  Lögboðin tími til lúkningar könnunar er að lögum, nær tveir mánuðir.   Beiðni þessa efnis, dagsett 12.ágúst 1991, barst bæjarstjórn Neskaupstaðar. Samdægurs. Úr ábyrgðarpósti. Nú, 22 árum síðar, hefur afgreiðsla bæjarstjórnar ekki farið fram.  Engin lögmæt né efnisleg svör hafa borist.  þrátt fyrir tilraunir þar um.

Þegar ljóst var um sinnuleysi bæjarstjórnar, komu til viðbrögð granna.  Á síðdögum tveimur, söfnuðu þeir tugum undirskrifta er innihéldu áskoranir til bæjarstjórnar.  Áskoranir um að leifa umbeðna staðsettningu verslunar, að Miðgarði 4.  Þær áskoranir, póstaðar til bæjarstjórnar.                         Viðbrögð bæjarstjórnar?   Þögn!   Ára langar þagnir.   Einu viðbrögin birtust í áratuga einelti og ofsóknum.  Birtust á árum hótana og vitfyrringar.  Birtust á árum þvingana og dagsekta.

Fyrirbæri um siðleysi, lögbrot og sjúkdóm bæjarstjórnar?  Dagsektir?  

Næst í frásögn. 

Hvað segja lögin?

Í gær fjallaði ég um meintan refsiverðan gjörning gegn mér og minni fjölskyldu. Gjörning gegn saklausum þolendum. Glæpsamlegt athæfi embættismanna. Lögreglustjóra!
Hefði einhver átt að sæta kæru til ríkissaksóknara, þá voru það gerendur þessa gjörnings:
Þeir, Bjarni sýslumaður, Guðmundur og Magnús. Í annarlegum tilgangi setja þeir fram upplognar sakir. Stóralvarlegt að LÖGREGLUSTJÓRI og embættismenn skuli sameinast í ásettning og yfirvegun og fremja mannorðs morð gegn saklausum borgurum. Slíkt er sérstætt fyrirbæri síbrotaferlis hins samblokkaða valds?

Og hvað segja Refsilög?
Brot í opinberu starfi.

"Ef handhafi dómsvalds eða annars opibers úrskurðarvalds um lögskipti gerist sekur um ranglæti við úrlausn máls eða meðferð þess í því skyni, að niðurstaðan verði ranglát, þá skal hann sæta fangelsi allt að 6 árum.

Hafi verknaðurinn haft eða verið ætlað að hafa í för með sér velferðarmissi fyrir nokkurn mann, þá skal refsingin vera fangelsi ekki skemur en 2 ár og allt að sextán árum.¨

Þá vitum við það!

Undirbúiningur kæru til ríkissaksóknara

Hér er birt endurrit úr gjörðabók Bjarna Stefánssonar, sýslumanns.   Þar sem hann ritar eigin hendi:

„Ár 1993 mánudaginn  15. marz,  kl.14:oo   tók Bjarni Stefánsson sýslumaður/lögreglustjóri, fyrir í skrifstofu embættisins, Miðstræti 18, Neskaupstað

Beiðni byggingarfulltrúa

Neskaupstaðar um réttaraðstoð

við stöðvun verslunarreksturs

að Miðgarði 4, Neskaupstað

Skjöl málsins nr. 1  til  49  liggja frammi.

Lagt er fram:

Nr. 50  ábyrgðarbréf til Gests Janusar í myndriti,  dags. 12.03.93.

Mættir eru Magnús Jóhannsson, staðgengill bæjarstjóra Neskaupstaðar og Guðmundur Sigfússon, byggingarfulltrúi Neskaupstaðar.

Framgangur málsins er kynntur mættum.

Farið er yfir lagaákvæði, sem koma helst til álita, og sérstaklega   c. Lið   2.  Gr.  laga um meðferð opinberra mála  nr. 19/1991.  Mættum er gerð grein fyrir því, að lögreglustjóri telur mál þetta nægjanlega rannsakað til að leggja það fyrir ríkissaksóknara til þóknanlegrar umfjöllunar. Mættum er gerður greinarmunur á þeim stigsmuni, sem er á opinberum málum fyrir og eftir að ákæra hefur verið gefin út og birt þ.á.m. aðild.

Mættum er sérstaklega gefinn kostur á því, að leggja fram frekari kröfur í máli þessu ef lög heimila.

Mættu samþykkja að málið verði sent ríkissaksóknara, en kveða málatilbúnað bæjaryfirvalda beinast eingöngu að brottnámi hins ólöhmæta ástands að Miðgarð 4, en krefjast eigi að fyrirsvarsmönnum Karma hf verði refsað fyrir athæfi sitt, né er krafist neinna bóta.

Upp lesið staðfest.

Magnús Jóhannsson (sign) Guðm. H. Sigfússon   (sign)

Vottur:   Ásgeir Lárusson (sign)

  Véku frá kl. 14:35.

Fleira ekki gert.

Bjarni Stefánsson (Sign)

Embættisstimpill

Rétt endurrit staðfestir.

Sýslumaðurinn í Neskaupstað

Bjarni Stefánsson.

 

Þessi gjörningur þriggja framangreindra valdsmanna er svo langt frá að teljast siðleg eða lögmæt athöfn.   Er í fjarlægð himins stjarna, frá öllu mannsæmandi atferli, siðferði og heimildum laga.

Spurningar vakna.  Er hugsanlegt að þeir félagar, Bjarni, Guðmundur, Magnús, hafi verið í svefndrunga, verið í vímu eða verið ylla fyrir kallaðir þann tímann sem þessi gjörningur átti sér stað?

Var Bjarni Stefánsson, sýslumaður -þá stundina- íklæddur einkennisbúning sýslumanna berandi gilltum stöfum: „Með lögum skal land byggja“?

Og spurt hvort var hér á svið sett  leikgerð eða þorrablótsbrandari?

Í alvöru sagt! Það sem þarna fór fram má telja glæpsamlega aðför að saklausu fólki.

Þessi bíræfni gjörningur sýslumanns og félaga á sér vart fordæmi og varðar trúlegast við refsilög.

Og hvað segja lögin?

Það verður skoðað næst.

Til Veðurstofu og "flóttamanna að austan"

Skráð Þriðjudag 29.jan. 2013
Í útvarpsfréttum varar Veðurstofa við snjóflóðahættu á Seyðisfirði, Neskaupstað, Eskifirði og Fáskrúðsfirði. Segir að athugað verði síðar um þörf rýmingar húsa. Norðfirðingar eru fullir undrunar yfir ótímabærri tilkynningu hvað varðar Neskaupstað.

Frétt til “flóttamanna að austan“
Að morgni þess 29.janúar s.l. Múlinn –staðartáknið- ber netta snjóhulu. Hellisfjarðarskriður að mestu snjólausar. Barðsnesfjall og Búlandið í snæþekju í efra. Snjólaus neðan miðlínu og inn til fjarða.
Fjallið ofan byggðar í Neskaupstað ber snæhulu. Ekki sjáanleg mikil fylling ofan byggðar og vinnusvæða. Snjóflóðahætta? Ekki trúverðug.

Inn til dala og beggja vegna Oddskarðs er mikil snjófylling. Sögð með meira móti. Telja má snjóflóðahættu við Oddskarðsveg, í Blóðbrekkum. Undir Magnúsartindi og í hlíðum norðvestan Oddskarðs. Innan fjarðar er þægilegur vindbelgingur. Háskýjað. Götur bæjarins með frosna krapaglæru. Hiti +2,3°.

Veðurstofa í sínu virðingarverða starfi má ekki hræða um of.
Fremur gæta varfærni í tilkynningum.
Ætti sökum þessa að biðja íbúa Neskaupstaðar opinberlega afsökunar. Nýlega er búið að minna íbúa á hamfarir desember mánaðar árið 1974. Með útgáfu bókar.
Málið er enn viðkvæmt í hugum fjölda íbúa og aðfluttra.

Hugur minn hverfur til barnæsku. Er við börnin frá Naustahvammi, Bjargi og Móakoti, í fylkingu og í skammdegismyrkva, hófum 30 til 45 mínútna göngu
-nær 4km.leið- til mætingar í barnaskóla. Fótgangandi. Hvernig sem viðraði.
Stundum gengnar -sökum snjóþyngsla- torfærar fjörur með hálku á grjóti og í fjörubökkum.
Heilsubótar ganga að sönnu. En á stundum kaldsöm um of.

Jón Baldvin.

Jón Baldvin, sá velgefni maður, brást mínum jafnaðarmanns og lýðræðslegu væntingum. Þá hann undirritaði EES.samninginn. Undirritun samnings fór fram án undangenginnar könnunar um þjóðarviljann. Áður en svo umfangsmikill og afdrifaríkur samningur var undirritaður, hefði verið rík ástæða til að kynna hann fyrir alþjóð og efna til þjóðaratkvæða um gildistöku hans. Svo umfangsmikið og afdrifaríkt stórmál var um að ræða. Það þarf að virkja þjóðarviljann þegar í gangi eru stórar ákvarðanir.

En Jóni Baldvin ber að þakka ýmislegt. Ég vil þakka honum,hvernig hann brást við örsnöggt, með djörfung og dug, þá neyðarkall barst frá smáþjóð í nauðum. Smáþjóð við Eistrasalt. Með stuttum fyrirvara brást Jón Baldvin við útkalli til björgunar smáþjóðar úr helgreipum Rússa. Á þeim örlaga stundum kom Jón Baldvin Íslandi í virðingarsess meðal þjóða heims. Á þeim stundum gerðist heimssögulegur atburður. Atburður sem skráður er á spjöld sögunnar.

Þakkir til Jóns Baldvins.

Okkar fagri Norðfjörður!

Í dag, skartar okkar lognkyrri Norðfjörður sínu fegursta. Heiður himinn. Fjöllin alhvít. Endurspegla sólarbirtu niður yfir byggð. Í fjöllum snjófylling hið efra. Hvít snæhula í neðra. Götur auðar. Garðar húsa skarta örþunnri snæbreiðu. Sólin vermir Júdasarbalann, sjúkrahúsið og barnaskólann. Sólin mun skýna um glugga og stofur Miðgarðs og Melabúa innan þriggja daga, ef viðrar. Hitamælir sýnir+1,8g.
Fjallaumgerð fjarðarins svo orkugefandi og fögur.
Það sem af er jánuar 2013, þá yfirgnæfði lognið flesta morgna. Andvarinn yfirtók miðdegið. Lognið kvöldin. Undantekning: Gola í 6 morgna og fjögur miðdegi.

Draumur! Fegurð!

Áreiðanleiki minna frásagna.

Hver er áreiðanleiki minna frásagna?

Miðað við minn stíl og framsettningu hér á bloggsíðum, þá væri eðlilegast að lesendur bloggsíðna minna stæðu á öndinni. Andlag minna frásagna er vonandi einstakt í sögu lands og þjóðar. Vonandi er til heilbrigð stjórnsýsla vítt um land. En svona gerðist og gerist enn á mölinni í Neskaupstað. Ekki væri óeðlilegt að hugsun lesenda mótaðist í þá veru hvort skrásetjari væri fullur, uppdópaður eða andlega sjúkur. Ekkert af þessu er staðreynd. Ég, Gestur Janus er með fulla vitund og dómgreind við mínar gerðir. Ég hef, eftir langvarandi og þrotlausa vinnu þar um, unnið mig lausan við biturð, reiði, vonbrigði og uppgjöf, sökum afleiðinga eineltisins og ofbeldisins. Ég vinn ávalt afslappaður við samningu frásagna. Stefnufastur. Án vímugjafa. Eðalvín hef ég umgengist, gegnum árin mörg, með inntökumagni einnar teskeiðar. Eina teskeið á mánuði,takk. En þorskalýsið tek ég með matskeið. Ég telst því með fulla rænu við ristörfin. Vinn af heiðarleika við samningu sannra frásagna. Skráset sannar frásagnir. Frásagnir sem styðjast við gagnaskráningu þess opinbera. Markmið frásagna? Ég vil eftir hræðilega lífsreynslu fyrir mig og fjölskyldu mína. Standslausa upplifun um áratuga skeið. Og eftir ofurálag á líkama og sál gegnum árin. Eftir heilsutap og rústun margskonar eigna, sem og rústun lausafjáreigna. Eftir brostinn efnahag af völdum öfundar, pólitíkur og haturs. Þá vil ég leggja málin fyrir augu alþjóðar. Vil vekja upp augu og eyru yfirvalda dómsmála og réttarfars í landinu. Í von um breytingar til réttarbóta fyrir almenning. Almenning framtíðar. Fyrir framtíð okkar lands. Vil Vekja yfirvöld dómsmála. Vekja ráðherra og alþingismenn. Til réttsýni. Til ígrundunar og vandvirkni í störfum. Vil að þeir vinni. Vil að þeir komist upp úr sandkössum leikvalla við Austurvöll. Í von þess að ofbeldismenn og embætta- nauðgarar verði hvorki kosnir né skipaðir til embætta. Verði ekki kostnir til bæjastjórnastarfa né annara mannaforráða. Ég vil að yfirvöld vakni! Ég vil að þau mál sem ég hef hafið frásagnir af komist í vandaða opinbera rannsókn. Og til meðferðar dómstóla. Stærsti hvati til minna athafna er sá að ég vil ljúka við -áður en ég fer undir græna torfu- að hreinsa mannorð minnar fjölskyldu. Hreinsa fjölskylduna af áburði um óheiðarleika. Af áburði um afbrot og stórglæpi. Vil hreinsa þá heiðarlegu, atgerfismiklu og vammlausu einstaklinga af lygum valdsmanna. Valdsmanna óheiðarleikans. Valdsmanna ofbeldisins. Ég vil hreinsa mannorð fjölskyldu minnar. Fjölskyldu sem einungis hefur lagt samfélagi sínu til það besta sem löghlýðnir og siðavandir og kærleiksríkir einstaklingar geta gefið,til sínna. Geta gefið sinni samtíð!
Sem mitt síðasta verk: ætla ég að hreinsa þá glæpsamlegu útbíjun á þeirra nöfnum og persónum sem Norðfirskir ofbeldismenn og mannorðsnauðgarar hafa fest á spjöld sögunar. Fest á spjöld sögunar með ósönnum söguskráningum í opinberar gjörðabækur og bréf. Gögn sem ætla má að varðveitast munu um hundruði ára á söfnum eða hjá þjóðarbókhlöðu. Varðveitast þar á borð við íslendingasögur og aðrar heimildir.
Skítt með pólitískar árásir Norðfiskra ofbeldismanna og mannorðsnauðgara,á mig og mína persónu.

Píramíti valdsins

Píramídi. Táknmynd. Áhrifastigi valdsmanna.

Píramíti stjórnsýsluvaldsins í Neskaupstað. Kjörtímabilin þrjú. Þau tímabil er ofsóknir bæjarstjórnar, einelti og ofbeldi gegn eigendum verslunar Karma hf. síðar K-Bónusar var hvað mest. Tímabil þess er öll framganga bæjarstjórnar og Bjarna Stefánssonar sýslumanns var án lögmætis. Var án vitsmuna. Var án siðferðis. Var án stjórnvisku. Tímabil Þess er ómennska bæjaryfirvalda opinberaðist. Þá ómennskan fór í efstu hæðir. Tímabil þess er yfirvöld bæjarfélagsins dvöldu í djúpri vitfyrringu. Tímabil þess er árásir gegn fjölskylu einni tóku yfir nær 60 til 80% alls starfstíma bæjarstjórnar. Tímabil þess er bæjarstjórn -sökum tímaskorts- gleymdi að sinna atvinnumálum. Gleymdi að vinna að framgangi jarðgangnagerðar undir Oddskarð. Gleymdi flestu öðru en að kúga og niðurbrjóta.
Kjörtímabilin þrjú, þegar ofbeldisferli valdsmanna yfirtók venjulegan vökutíma þolenda. Þegar ofbeldið grúfði yfir tíma þolenda á stundum stórhátíða. Grúfði yfir tíma hvíldar og svefns. Þann tímann kynntist ég því hversu stutt getur verið í grunneðli mannsins. Stutt bil milli mennsku og ómennsku. Hversu sýnilegur getur orðið meintur skyldleiki við villidýr frumskóga. Skyldleiki við háttsemi lífs villtra dýra á fjarlægum stöðum. Stöðum þar sem Stjórnarskrá Íslands og lagareglur henni bundnar hafa einga lögsögu. Þar sem lagareglur hafa einga virkni til verdar þolendum ofbeldis og misþyrminga. Þolendum aftöku lífsgæða og lífsréttar.
Píramídi stjórnsýslunnar:
Efstur: 1)Smári Geirsson, skólastjóri, bæjarfulltrúi og forseti bæjarstjórnar, jafnframt formaður og ritari bygginganefndar. 2)Bjarni Stefánsson, sýslumaður í Neskaupstað. 3)Einar Már Sigurðarson, skólastjóri, bæjarfulltrúi og formaður bæjarráðs. Síðar alþingismaður. 4)Guðmundur Bjarnason, bæjarfulltrúi og bæjarstjóri. 5)Elma Guðmundsdóttir, formaður bygginga- og skipulagsnefndar og ritari bæjarstjórnar. 6)Guðmundur Helgi Sigfússon, byggingafulltrúi. 7)Magnús Jóhannsson, fjármálastjóri og settur bæjarstjóri í fjarveru Guðmundar Bjarnasonar, bæjarstjóra. Aðrir fulltrúar ekki taldir hér, að sinni.

Heimildir; Gögn bæjarstjórnar og sýslumanns í Neskaupstað.

Eini löghlýðni bæjarfulltrúinn.

Eini löghlýðni bæjarfulltrúinn árið 1992 reyndist vera Stella Steinþórsdóttir, bæjarfulltrúi Sjálfstæðismanna í Neskaupstað.

Á 1002. fundi bæjarstjónar Neskaupstaðar, þann 10.mars 1992, flutti Stella eftirfarandi tillögu:
"Bæjarstjórn Neskaupstaðar samþykkir að beina þeim tilmælum til bygginga og skipulagsnefndar, að hún endurskoði afstöðu sína í máli verslunarinnar Karma, og leyfi rekstur hennar. Ljóst er að eins er ástatt hjá fjölmörgum aðilum öðrum sem stunda smá atvinnurekstur í íbúðarhúsnæði og við þröngar götur.
Á tímum vaxandi atvinnuleysis og samdráttar, telur bæjarstjórn ekki verjandi að hindra þennan atvinnurekstur. Bæjastjórn telur að taka verði tillit til aðstæðna hér í bænum ss. þröngra gatna vegna mikils brattlendis og landleysu vegna snjóflóðahættu"
"Tillagan felld með 4 atkv. gegn 1 atkv."

Tillaga Stellu ber vott um glöggskyggni til mannsæmandi atferlis,
glöggskyggni til jafnræðis aðila, og glöggskyggni til mennsku og lögmætiskyldu stjórnvalda sem og til ákvæða stjórnarskrár um jafnan rétt landsmanna til atvinnu og eignanota.

Einvaldurinn og þrír fánaberar hans, gerðust lögbrjótar, er þeir, á grundvelli -ekki lagaákvæða- heldur geðþótta, felldu framsetta tillögu Stellu. Fjórir bæjarfulltrúar -að venju í hlutverki fánabera einvaldsins- sátu hjá við atkvæðagreiðsluna.

þannig hindruðu eineltismenn lögmætan framgang tillögunnar og réttvísinnar. Og samkvæmt sinnuleysisreglu laga má telja þá, alla, meðseka í einelti og ofbeldi meirihluta bæjarstjórnar. Allt fram til dagsins í dag. tuttugu og tveimur árum síðar.

Á tímamótum tillögu, Stellu, hafði matvöruverslun Karma hf. verið í rekstri í rúma sex mánuði. Þá sex mánuði máttu eigendur og stjórnendur hennar þola vikulegt, á stundum daglegt harðræði, margháttað einelti og ofbeldi, sem og síendurtekin rof á friðhelgi heimilis. Öll framkvæmd þessa var drifin af bæjarstjórn, að frumkvæði einvaldsins, Smára Geirssonar. Á haustdögum árs 1991, ritaði bæjarstjórn beiðni til þáverandi bæjarfógeta í Neskaupstað Ólafs Kr. Sigurðssonar og óskaði eftir liðveislu hans við lokun verslunarinnar. Í svarbréfi bæjarfógeta kom fram að eftir nána skoðun og yfirvegun hans á málsástæðum sem og réttarstöðu verslunar og eigenda, þá væri ekki að fynna neina lagastoð til réttlætingar á stöðvun rekstrar, né lokun verslunarinnar.

Framhald? Síðar? Já!