Listaverkasýning. Ókeypis og öllum opin.

Eftir úrhellisregn á síðkvöldi 3.okt., opinberast, í dagrenningu þess 4., ein mesta fegurð Norðfjarðar. Fjörðurinn sléttur sem póleruð mubla. Hæðstu fjallstindar hvorki gráhærðir né þakktir kuldabólum. Háskýjað er og mild birta.  Mun fljótlega snúast til sólar.  Hitastig árdags er 7,8 gráður.                     Skrúð haustlita er, í hátoppi fegurðar. Fjölbreitt litskrúð berjalings og fjallagróðurs ber við augu, Allt frá fjöruborði til efstu hæða kletta og gróðurfláka fjalla. Oktobermánuður árs 2013,er genginn í garð.

Ókeypis  listaverkasýning.   Öllum opin!

Ég vaknaði við hamagang hóps Þrasta. Sá mikla hreifingu í Reyniviðartré úti við herbergisgluggann. Búskar Reyniberja hverfa á örstundu. Síðan hljóðnar. Fjöldi Þrasta hverfur yfir í stórvaxiið Aspartré nágrannans, Jóns Einarssonar. Enn eru tré í fullu laufskrúði haustlita. Úr tré nágrannans berst fagur ómur fjöldasöngs þrasta.  Minnir á söng þorrablótsgesta.     Á góðum stundum! 

Og nú, loksins! Loksins! Eftir ásýnd vatnslausra lækjarfarvega, síðsumars og haustdaga, byrtast morgunsprænur úr annars skrælþurrum lækjafarvegum.  Og það farvegum stærstu lækja!             Hefði vatnsupptaka vatnsveitu Norðfjarðar ekki verið komin inn að árfarvegum Tandrastaða og Fannardals, neðan Norðfjarðarfannar-jökuls, þá hefði ríkt neyðarástand á liðnu sumri í vatnsöflun Neskaupstaðar.                    

Slíkar voru afleiðingar viðstöðulausrar veðurblíðu og lognkyrrðar sumarsins.                                Allt frá upphafi júnímánaðar.